heildstæð nálgun humanatwork
Vinnustaðir standa í dag frammi fyrir flóknum áskorunum sem tengjast samskiptum, streitu, teymisvinnu og meðferð viðkvæmra starfsmannamála. Til að takast á við slíkar áskoranir þarf oft meira en staka fræðslu eða ráðgjöf. Það þarf heildstæða nálgun.
HumanAtWork býður upp á heildstæða nálgun fyrir vinnustaði þar sem fræðsla, ráðgjöf og markviss þróunarvinna eru samþætt. Lausnirnar byggja á gagnreyndri þekkingu úr vinnusálfræði og áratuga reynslu af vinnu með stjórnendum, mannauðsfólki og teymum.
Markmiðið er að styðja stjórnendur í að:
- byggja upp heilbrigða vinnustaðamenningu
- styrkja samskipti og samvinnu
- draga úr streitu og óheilbrigðu álagi
- tryggja faglega meðferð viðkvæmra starfsmannamála
Heildstæð nálgun HumanAtWork er þróuð til að styðja stjórnendur, teymi og starfsfólk og geta verið bæði fyrirbyggjandi og lausnamiðaðar þegar áskoranir koma upp.
Heilbrigður vinnustaður – ekko mál
EKKO mál (einelti, kynferðisleg og kynbundin áreitni og ofbeldi) geta haft veruleg áhrif á starfsfólk, vinnustaðamenningu og starfsemi fyrirtækja. Mikilvægt er að vinnustaðir hafi skýra stefnu, skilgreint verklag og þekkingu á því hvernig bregðast á við slíkum málum.
HumanAtWork býður upp á heildstæða ráðgjöf við uppbyggingu og þróun þessa málaflokks á vinnustöðum.
Nálgunin getur meðal annars falið í sér:
- hönnun og eftirfylgni EKKO könnunar meðal starfsfólks
- gerð eða endurskoðun stefnu og verklags
- þróun fyrirbyggjandi aðgerða
- gerð viðbragðsáætlunar
- fræðslu fyrir stjórnendur um ábyrgð og hlutverk þeirra
- þjálfun viðbragðsaðila
- fræðslu fyrir starfsfólk
Markmiðið er að vinnustaðir hafi uppfylli þær skyldur sem gerðar eru til þeirra í lögum ásamt því að hafa skýra og faglega umgjörð um meðferð mála og aukna þekkingu innan vinnustaðarins.
sterkari teymi – samvinna byggð á styrkleikum
Árangursrík teymi byggja á trausti, góðum samskiptum og skýrum skilningi á styrkleikum einstaklinga.
Í þessari heildarlausn er unnið með teymi út frá styrkleikamatinu CliftonStrengths frá Gallup til að hjálpa fólki að skilja betur hvernig það vinnur, hugsar og leggur sitt af mörkum til samstarfs.
Nálgunin getur meðal annars falið í sér:
- styrkleikamat fyrir teymið
- einstaklingssamtöl um niðurstöður
- teymisvinnustofur þar sem teymið vinnur með styrkleika sína
- vinnu með samskipti og samvinnu innan teymisins
Markmiðið er að efla traust, bæta samskipti og auka helgun í starfi með því að byggja á styrkleikum fólks.
Vellíðan í starfi og heilbrigt vinnuálag
Álag, streita og krefjandi samskipti eru meðal stærstu áskorana vinnustaða í dag og hefur bæði mikil áhrif á líðan fólks og rekstur fyrirtækja. Þessu fylgir mikill kostnaður sem birtist ekki eingöngu í veikindadögum heldur einnig í minni afköstum, minni gæðum og aukinni starfsmannaveltu og minni helgun í starfi.
Þessi heildarlausn byggir á Job Demands–Resources líkaninu (JD-R) og rannsóknum á Workdesign. Áhersla er lögð á snemmtæka íhlutun og markvissar forvarnir áður en vandinn verður kostnaðarsamur fyrir einstaklinga og vinnustaði.
Unnið er með vinnustaði, stjórnendur, teymi og einstaklinga
Lausnin getur meðal annars falið í sér:
- stuðning við starfsfólk sem upplifir álag, streitu eða samskiptavanda áður en það leiðir til fjarveru, eða þegar fjarvera byrjar að vera vandamál
- stuðning við endurkomu til starfa eftir veikindaleyfi með markvissri aðlögun og eftirfylgni
- greiningu á þáttum í vinnuumhverfi sem skapa álag og draga úr árangri
- kortlagningu á björgum (resources) sem styðja við frammistöðu og seiglu starfsfólks
- fræðslu fyrir stjórnendur um hvernig auka megi virkni starfsfólks og þáttöku
- vinnu með teymum um skipulag vinnu, ábyrgð og samskipti
Markmiðið er að hjálpa vinnustöðum að skapa vinnuumhverfi sem styður árangur, vellíðan og helgun í starfi.
Áhugaverðir tenglar / Viðburðir
Okkur finnst mikilvægt að mannauðsfólk og stjórnendur viðhaldi þekkingu sinni og fái góða endurmenntun. Ef þú smellir á tengilinn hér að neðan þá getur þú bæði séð áhugaverðar heimasíður og tengingu á áhugaverða viðburði sem HumanAtWork mælir með að skoða nánar.
HumanAtWork 